طبعا هذا السؤال يعتبر الاسخف على الاطلاق …و ماكانش مجال وحدة تطرحو
…و لكن بالقياس للبؤس اللي يمثلو غسيل لماعن …
هل كامل النسا راهم يعرفولو؟ …
ماشي يعرفو ينظفو الاواني …يعرفو يسيرو العملية بحيث دائما
يكون الحوض لامع و المطبخ نظيف …الحق انو غالبا ما نسمعو شكاوي من
سيدات يعانيو من غسيل الاواني المستمر طول اليوم ومعه التراكم الدائم
للاطباق المتسخة اللي تبان ماتخلاصش …
لذلك خلونا نتكلمو بدون خجل على…كيفاش نغسلو ماعنا ؟..
1- ماتحطيش الاطباق المتسخة في الحوض
هذا مخيف …و مرعب
2-بدلا من ذلك حطيهم في بسينة صغيرة قرب الحوض ..
بهذي الطريقة حوضك دائما نظيف …و متاح لغسل الاواني
3-شللي الاطباق و حطيهم مع بعض بجيه ..
هكذا تزيلي بقايا الطعام
4- حطي دائما قرب الحوض بسينة بلاستيكية …كي تبداي تغسلي املايها بالما
السخون و الصابون ..
بهذي الطريقة تحافظي على وقتك و توفري في الما …ديري الما سخون قد ما
تقدري تتحملي او استعملي القفازات ..اذا ماحبيتيش تستعملي الوعاء
البلاستيكي تقدري ديري االصابون في الحوض
5- حافظي على الما و تجنبي تبذيرو ..ماتغسليش ماعنك كيما هذي القطة
6- القدور و المقالي الكبار اللي طيبتي فيهم موسخين او فيهم الدسم
…انقعيهم و خليهم بينما تبداي الجلي ..
7- ابداي في غسيل الماعن من الانظف الى الاكثر اتساخا …
هكذا يبقى الماء تع الجلي نظيف و ماتبدليهش بالخف ..
8- اغسلي لحوايج بهذا الترتيب …الكؤوس اولا ..
و معاهم الفناجين و اواني القهوة و الشرب …باش ماتبقاش اثار دسم او
غيرو على الزجاج ..
9- ثم المغارف و السكاكين
لانهم يدخلو للفم …لذلك لازم يكونو الانظف بعد الزجاجيات ..و اواني الشرب
10- ثم الصحون …
11- ثم القدور و المقالي و اواني الطهو
12- استعملي رف شبكي فوق الحوض كيما تاع الفرن للتقطير ..
13- للتجفيف …افضل شيء هو الكثير من المناشف الناعمة الرقيقة …اللي
تكون في مكان قريب لليد
الافضل اجمالا هي مناشف الميكروفيبر ..متوفرة في الاسواق
14- تقدري تستعملي سلة لتجفيف الاواني …تحطيها قرب الحوض ..
15- او علقيها فوق الحوض كيما هذي
16- لماعن اللي يتحرقو نظفيهم بالبكربونات و الخل ..
17- الماعن اللي فيهم النشا و منتجات الالبان اغسليهم بالماء البارد باش
مايتعلكلكش ..
18- شغلي الخلاط مع الماء و الصابون باش تنظفيه
19- الصابون اشري الحجم الكبير باش توفري الدراهم …فرغي بالشوية في حاوية مناسبة
20- او اخدمي سائل الاواني تاعك بنفسك ..
21- استخدمي وعاء تكيلي به الصابون باش ما تكثريش منو …
معظم الناس يكثرو الصابون و يعيياو في شطفو ..ديري وعاء حطي فيه مغيرفة
صابون و كاس ما …كي تسحقي تزيدي الصابون هزي بالاسفنجة
22- تقدري تديري الرغوة تع الما المصوبن في قارورة ..
هكذا تختصري مدة غسيل الاواني …كثافة الرغوة كيما تحبي ..تزيدي او
تنقصي الصابون بالنسبة للماء
23- ماتكثريش الصحون و الادوات اثناء الطهو …كوني حيلية في استخدام القطع ..
اذا كنتي تكرهي تغسلي الاواني ..خلي اللي معاك يعاونوك ..و جربي طبقي
مقولة احد اكبر مالكي المطاعم ..“الاتفاق هو اني نغسل اكبر عدد ممكن من
الاطباق باسفنجة واحدة فيها الصابون …ثم كي نخلص كامل نعطي لروحي الاذن
بفعل اي شيء اخر” …
… شمس هنية
